BI MIN RE BIKENE

Li ser kincan;

-Xalo, goreyê te çima ferek reş e yek sipî?

-Weleh nizanim xwarzî! Li malê coteke din heye, ew jî hema weha ye.

Li ser mîrasê;

-Kurê min, tu dixwazî bavê te bimire mîrasa wî tev ji te re bimîne?

-Na bavo, ez dixwazim wî bikujin! Hem mîrasa wî ji min re bimîne, hem jî heqê xwîna wî bidin min.

Li ser mêvanîyê;

Dema ez diçim maleke Efrînîyan, bi dorê silav didim wan:

-Merheba Hemûdê!

-Ehle sehle.

-Merheba Hemûdê!

-Ehlen sehlen.

-Merheba Hemûdê!

-Ehlen we sehlen.

-Merheba Hemûdê!

-Wey ehlen, wey sehlen.

Li her malê bi kêmanî sê-çar Hemûdê hene û silavdana her yekî ji yê din cuda ye. Li ser fêysbûkê jî navê hemûyan Hemûdê Efrîn e. 

Li ser roja aştiyê;

-Xwarzî ka vê nameyê bixwîne çi nivîsîye?

-Xalo, dibêje; "roja aştîyê li gelan pîroz be!"

-Li gelan?

-Erê xalo li gelan.

-Şaş nivîsîye!

-Çima xalo?

-Ê, navê wî ne Gelan e! Ocelan e, ez heyrana xwarziyê xwe!

Li ser fikra sîyasî;

-Xalo, tu jî komonîst î?

-Belê xarziyê min, ji roja ji diya xwe bûme heta niha ez komonîst im.

-Çawa xalo?

-Dema biçûk bûm, bi xwe de dimîstim. Ji wê demê ve ez komonîst im.

Li ser malê dizîyê;

-Xalo! Ev tu têr nabî ji goştê mirîşkan hey mal mîrat?

-Ev ne goştê mirîşkên bajêr in xwarziyê min! Mirîşkên bajêr li nav sergoya bajêr bi eşkere çi dikeve nav nîkilê wan dixwin. Lê mirîşkên gundan, li gundan malê dizîyê dixwin. Bi dizî dikevin nav bistanên xalê te, çavên xalê xwe!..

Li ser pirsên ehmeqan;

Got: "Tîmûr çi yê te ye?"

Min got: "Sê xwişkên wî hene, du ji wan xaltîkên min in."

IQ'ya wî têrî nekir, nezanî ka Tîmûr çi yê min e. Paş stûyê xwe xwirand û çû...

Li ser govenda dînan;

Du sal berê, min dît dawet û dîlan li ber derê yekî cîranê me yê kurd danîne, li ber sitrana lêxe gerîla lêxe ketine govendê û dieqisin.

Ez çûm ba wan min ji wan pirsî, got: "Qey hûn Mistefa dizewicinin?"

Gotin: "Na, em Mistefa dişînin eskerîyê."

Li ser kurmê sêvan;

-Xalo ev çi sêv in te dane ber min! Ez kîjanî gez dikim kurmek jê derdikeve.

-Wele şensê te tune ye xwarzî! Ez kîjanî gez dikim nîv kurm jê derdikeve.

Li ser English in Dualingo;

Ev çend sal in min Dulingo daxistiye ser telefona xwe, ji ber zimanê wê bi Tirkî ye dikim nakim nikarim fêrî îngilîzî bibim. Ez Dulingo bi zimanê Kurdî dixwazim. Nexwe dê lingekî dulingo jê bikim.

Li ser Şahê Nisr-et Bedo;

Nisr-et li Tirkiyê di nav tirkan de dijî û li dawiya navê wî "et" heye. Hemû mesele ev e!

Li ser fenomenîya Tiwîtxanê;

Heta ez dibim hezar ke(1000 K), min li hespê bayê siwar ke Gulhezara min!

Li ser eyda qurbanê;

Eyda we pîroz be qurbanino!..

Cîranê me Sofî Silêmanê Silkserî jî ji ber ji koronayê filitiye kavirekî enîgewr serjê kiriye.

Yanê camêrî gotiye hemin ez nemirim, bila ev heywan bimire!

Rehmetiyê kalê min jî digot; "Bila wez nebim, bila xaleta min Wezne be."

Goşt xweş e, çi li ser êgir çi jî di nav avê de.

Li ser Ehmedê Zaza;

Ji erebeya yekî tirk dengê stranên bi tirkî yên Ehmad Eslanê me yê zaza bilind dibe. Xizmet ji xelkê re ji vê re tê gotin.

Li ser xwendina sûreyan;

Duh êvarê pîra cîranê me ya heştê û pênc salî hat ber derî got, "bila xêra dê û bavê te be tu hinekî li ser min bixwînî."

Çi qas min got, ez nizanim bixwînim. Got, "hema te çi zanî bixwîne." Min dît dilê pîrê bi çûnê tune ye, min jî jê re sûreyê lehmecûnê xwend.

Piştî xwendinê, pîrê got: "wey rehme li dê û bavê te be. Ez niha ji berê çêtir im."

Pîra bi çelepîyan ji qata jêr hatibû, rabû ser xwe û çû.

Li ser derxistina cinan;

Selamûalêkum! Heger cinê we di we de mabe, bi îzna Xwedê û bi destûra Hezretî Seydayê Seyîd Şêx Hecî Mele Mihemed Arifê Cinfetês, dikarim bi mûçingê ji we derxim.

Li ser îmzeya min a li jêr;

Zêde karê min bi îmzeya min çênabe, lê heta ez cihekî îmze dikim, yê hemberî min xwe ji dîn û îmana xwe dike û hezar nalet li çavên ê îmze îcat kiriye dike.

RADYOYA HECÎ SILÊMAN

Radyoyeke kevin ê Hecî Silêman hebû. Li cihê baterîya radyoyê vîdeyek hin caran sist dibû, heta ew vîde bi tornevîdeyê nehata şidandin radyo nedişixulî.

Êvarekê Hecî Silêman di radyoyê de guhdarîya kilamên Radyoya Êrîvanê dike, ji nişkê ve dîsa cihê baterîyê sist dibe tama kilaman di gewrîya Hecî Silêman de dimîne.

Hecî hêrs dibe, gulmistekê li radyoyê dide, dibêje: "Ez ê di radyoyê nim!"

Hecî li tornevîdeyê digere ji bo vîdeyê şûn ve bişidîne, lê tornevîde nabîne. Berê xwe dide kurê xwe dibêje: "Kurê min ka here ba apê xwe Ezedîn tornevîdeya wan bîne."

Lawik diçe cem apê xwe Ezedîn, dibêje: "Apo ka tirnevîdeya we bide min, bavê min dixwaze."

Apê wî pirs dike dibêje: "Bavê te dê çi bike ji tornevîdeyê?"

Lawik dibêje: "Apo, bavê min ê pê di radyoyê ne."

KA DASA XWE BIDE MIN XWARZÎYÊ MIN

Rojekê, ji bo birrîna rûteke gozan, min dasa xwe kir ber pişta xwe û berê xwe da dehla li nizara gundê me. Em ji wê dara zirav û dirêj ê ku em pê gozan diweşînin re dibêjin rût. Dehl an jî daristan bi qasî çar kîlometreyan ji gund dûr e. Ji ber rût ji darên zirav û dirêj çêdibin, li dehlê zû bi zû peyda nabin.

Dehla gundê me hem asê ye, hem jî berkaş e. Mirov bi rehetî nikare li nav dehlê bigere. Piştî ger û geşteke ekolojîk ya li nav daristanê, min dara ku ez ê bibirim dît. Ji ber westiyabûm, min xwest hinekî rûnim, bêhna xwe bidim, cixareyekê bipêçim û dûmanê cixareyê berdim nav kezeba xwe ya reş û sipî, pişt re dara xwe bibirim.

Min hîn cixare vênexistibû, Hecî Hesenê malxalê me wek cinekî li ber çavên min peyda bû. Silav da min û li kêlek min rûnişt. Min qutiya cixareyê dirêjî Hecî kir, wî jî cixareyekê vêxist û bû sohbeta me ya ser şax û pelên darên sipîndaran.

Piştî sohbeteke kin a li nav dûyê cixareyê, Hecî Hesen berî min cixareya xwe avêt, rabû ser xwe, got: "Xwarziyê min ka dasa xwe bide min!"

Hecî ji çilobirînê hatibû, dasa xwe veşartibû, bi xwe re neanîbû.

Min got: "Tu yê çi bikî ji dasê xalê Hecî?"

Got: "Ez ê vê darê bibirim. Çi rûteke delal e! Ez ê payîzê pê gozan biweşînim."

Ez ji bo wê rûtê çar kîlometreyan rê hatibûm. Westiyabûm û li wir rûniştibûm. Hecî qe napirse ka xarzîyê min tu hatiyî dehlê çi? Dibêje xwarziyê min ka dasa xwe bide min!

Min got: "Bise Hecî! Ez ê ji te re darê bibirim!"

Min bi du sê derban ew dar birî û das dîsa kir ber pişta xwe.

Hecî bi serê darê girt, ji erdê rakir û dîsa das ji min xwest.

Got: "Xwarziyê min ka dîsa dasa xwe bide min."

Min dîsa berê xwe dayê û jê re got: "Tu yê çi bikî ji dasê Hecî?"

Got: "Ez ê vê darê bitapikînim xwarziyê min."

Tapikandin li ba me tê wateya birrîna şaxên darê. Min jê re got: "Bise ez ji te re bitapikînim jî xalê Hecî."

Min dar tapikand û dîsa das kir ber pişta xwe.

Hecî dara rût kir nav destê xwe, bir û anî, dîsa das ji min xwest.

Got: "Xwarziyê min, ka dîsa dasa xwe bide min!"

Min got: "Tu yê çi bikî ji dasê Hecî?"

Hecî got: "Ez ê vê rûtê sipî bikim."

Sipîkirin, li ba me tê wateya qeşartina darê. Yanî rakirina tovil/qalikê darê.

Min got: "Ka bisekine ez ji te re sipî jî bikim Hecî."

Min dar sipî kir, bi serê dara rût girt û das dîsa kir ber pişta xwe.

Piştî demekê Hecî got: "Xwarziyê min ka îca rûtê bide min!"

Min got: "Tu yê çi bikî ji rûtê Hecî?"

Hecî got: "Heke tu rûta min bidî min, ez ê êdî herim gund."

Min got: "Xalê Hecî, ji xwe ez ê jî êdî biçûma gund. Tu dixwazî, ez rûtê ji te re heta gund bînim?"

Hecî got: "Wele xwarziyê min, madem tu yê jî werî gund, te rût bi xwe re bianîya gund baş bû."

Hecî li pêş, ez li paş, min rût kir ser milê xwe, em ber bi alîyê gund ve bi rê ketin. Nebêjin ka ji giraniya rûtekê ê çi bibe, tu xwe bi milkirina rûtekê mezin dikî. Rût ter e û pênc şeş metreyan dirêj e. Di ser de jî rêya gund asê ye û çar-pênc kîlometreyan dûr e.

Ez û Hecî, ew li pêş ez li paş em heta nava gund hatin. Ji ber bar li ser milê min bû, ew ji min bileztir diçû. Di nav gund de du rê ji hev vediqetin. Rêyek diçe taxa jorê, rêya din jî diçe taxa jêrê. Hecî li taxa jêr rûdine, em jî li taxa jorê. Hecî berî min xwe gihandiye serê rê û li hêviya min e ji bo rûtê ji min bistîne, ez û ew em êdî di rêya xwe de herin.

Min xwe gihand serê rê, silavek li Hecî kir û bi barê ser milê xwe ve ketim rêya taxa jorê û di rêya xwe de çûm. Hecî li pey min bang kir got: "Weleh xebera te ye xwarzîyê min! Te birî, te tapikand, te sipî kir, te kir ser milê xwe, te ani! Dar ya te ye, das ya te ye! Ê ehmeq ez im ku di dilê xwe de te ehmeq dihesibînim! De here oxira te a xêrê be! Hezar xêrê jê bibînî!"

TELEVÎZYONA HECÎ HESEN

Televîzyona cîranê me Hecî Hesen xera bibû. Hecî şand pey min ji bo ez jê re televîzyona wî çêkim.

Piştî min televîzyon  çêkir, jina wî got: "Kuro Miheme Arif, ka wan kanalên tazî jê bibe, mêvanek tê mala me em li ber xwe dikevin, em ji ber mêvanan şerim dikin televîzyonê vekin. Tu kîjan kanalê vedikî jineke tazî telefon daye nav şeqên xwe, gazî Hecîyê me dike dibêje were li Şeqlawa govend e."

Li ser gotina Hecîjinê min dest bi jêbirina kanalên tazîjinan kir.

Hecîyê me rûyê xwe sor kir, qûna xwe li ser mînderê bir û anî got: "Xwarziyê min, ez qurbana wan tilîyên te bim hemûyan jênebe, êvaran di hinekan de ajansên xeber û nûçeyan derdikevin."

Hecîyê ku berê digot televîzyon qutîya Şeytan e, piştî tama televîzyonê kir, digot hemûyan jênebe di hinekan de nûçe derdikevin.

Min di dilê xwe de got: "Wele derdê te ne nûçe ne Hecî! Di wan de nûçe derkeve çi ye, dernekeve çi ye? Ne tu kafir î, ne jî bi kafirkî dizanî! Hecîjin qurbana rîhkê te be. Ancax tu di van kanalan de fêrî gana kafirkî bibî û xirpişî ser can û cesedê hecîjinê."

Tiştên erotîk xweş in bi şeref. Kurd ji komedîya erotîk hez dikin, dê tiştên bi dilê hecîyan binivîsînim.

KAFIR ZIBÊYDE

Salên nodî heta salên du hezarî navê sertiraşxaneyên li Tirkiyê yên mêran hemû berber bûn. Navê yên jinan jî kuafur bûn. Yanê li ser dikanên sertiraşxaneyên mêran "berber" yên jinan jî "kuafur" dinivîsî.

Em li Tersûsê li taxeke Kurdan rûniştibûn. Jinên Kurdan wê demê nediçûn kuafuran û porê xwe li kuafuran çênedikirin. Ji ber jinên me nediçûn kuafuran, li taxa me kuafur tunebûn. Li taxeke navenda bajêr ez li dikanekî rast hatim, li ser nivîsîbû "mêr nikarin têkevin hundir". Navê dikanê jî Kuafur Zubeyde bû. Ji ber min nizanibû kuafur çi ye, min nizanibû ka jin bê mêr li hundir çi dikin. Min digot qey ew der jî wek qehwexaneya jinan e.

Min kuafur wek kafir bilêv dikir. Min nizanibû ku ew der berberê jinan e. Ji ber min ji xeynî wê dikanê dikaneke din a kuafurê jinan nedîtibû, min digot qey Kafir pêşnavê Zibêyde ye.

Ez li mektebê diçûm sinifa çaran. Ji ber guhê min zêde ne li ser dersê bû, ez şagirtekî kêrnehatî bûm li dersxanê. Kêfa mamoste ji min re nedihat. Ji ber zanibû ez ji mezinên wan hez nakim, her roj dersa me jiyana etatirkê wan bû. Hin caran qîza qehbê tenê ji bo min aciz bike, min radikir ber depê, pirsa etatirkê xwe ji min dikir. Rojekê dîsa mamoste ez rakirim ber depê, pirsî ka bê navê diya etatirkê wan çi ye?

Ez fikirîm, navê wê li ser zimanê min e, lê ez nizanim çi Zibêyde bû. Ez li ber depê difikirîm ka kîjan Zibêyde bû, ew jî darek di destê wê de ye, li hêviya bersiveke şaş e ji bo pê li nav lepê min bide.

Dawiyê hat cem min got lepê xwe veke ez ê te bi darikê xwe xelat bikim. Lêdan dermanê keran e. Berî li nav lepê min bide, hat bîra min ku navê diya wî li ser dikanekî nivîsîbûn. Min got, hat bîra min mamoste, navê diya wî Kafir Zibêyde ye.

Heta min got zib, min derba yekê ya lepê xwe xwar. Min dîsa bang kir min got: "Kafir Zibêyde, bi Xwedê Kafir Zibêyde ye. Li ser dikanekê nivîsandine, bi şeref Kafir Zibêyde ye."

AriFORÎZMAYÊN ÎLONÊ

Baş bû bav û kalên me zevî tev firotine, ji xwe me yê cot nekira. (Ji bavê min)

Meleyê kor cinet bi çavên xwe nabîne! (Ji bavê min)

Heger femînîzim xwedî derketina li jinê be, tu kes bi qasî xalê min Fehîm ne femînîst e. Mêrik li çar jinan xwedî derketiye, li xwe mehr kiriye û şeva her çaran jî cinet e.

Dema yekî got xirê min xiyar e, yekser êrîş nebin ser camêr û camêr lînç nekin. Dibe ku bostanê wî yê xîyaran hebe û li herêma wan xir cûreyeke xîyaran be.

Guh nedin derewên akademîk yên akademîsyenan. Ne Kurdîya akademîk heye, ne jî Kurdîya akademîsyenan. Kurdîya herî bi rêk û pêk Kurdîya ber tenûra dê û dapîrên me ne.

Ku mele tirek kir, ne hewce ye cimûet birî. Fisek jî dikare cimûetê bilewitîne.

Kurd tenê li ser mirîyê bavê xwe govendê nagrin.

Di çavên dîndarekî de kufra herî mezin ew e, tu ji dînê wî re bibêjî ol.

Ya şêx û mele li ser navik û binzikê dike ne parçeyek ji îbadetê ye, gana di ber senfonîya ayetên Quranê re ye.

Hezkirina me ya ji çayê ne ji bo kêfê ye, mexsed em çaydaneke ava germ bi ser koronayê de bikin.

Ji bo like-ekî, nebe hevalê qeşmerekî.

Şeytan got: Bi qirewata li stuyê xwe, xwe li ser serê me nekin zilam. Dikarim jê çêtir di stûyê kerê xwe kim û we li kerê siwar kim.

Tirsa ji kesekî, ne ji hêz û qaweta wî kesî ye, ji bêkêrî û bêbawerîyê ye!

Ewên pêş û paşê navê wan ji ber xwe ve hunermend û hozan in, di eslê xwe de nezan in, dixwazin bi nezanîya xwe li nav mêrgên me biçêrin.

Kîrê derewkaran dirêj e, dikarin li ser çemekî bikin pir û di ser re derbasî hêla din bibin.

Heke dewleteke me Kurdan hebûya û li ser pereyê dewleta me wêneyê Qazî Mihemed hebûya, min ê di nav civakê de bi serbilindî bigota dîn û îmana min pere ye.

Kêfa me Kurdan ji qeşmeran re tê. Lewre her roj qeşmerek xwe li me diceribîne.

Dema Şahê Bedo dibêje; “gola çiya ax gola çiya” gola li çiyayê Nemrûdê ya li Tetwanê tê bîra min.

Ewên dibêjin gana keran helal e; divê bi çavên xanimekê li kerê binêrin. Ker li xwe mehr bikin, pişt re li xwe halal bikin.

Di tagên Kurdî de like li gotinên Tirkî dibarin!

Ji bo tu li ser twîtirê werî naskirin, divê navekî sexte li te be.

Heke em bi awayê Serhedîyan guhdarîya strana Mem Ararat bikin, dinya li hêlikekî tu li hêlikekî yî.

Ji rûyê hinek şêx û meleyên naylon ve, em nema rêya xwe ber bi şêx û meleyên birra jî dixin. Lewma cinê me di me de dimîne.

Ji bo like li wan jî bibarin, divê zilam jî fîstanên jinan li xwe bikin.

Ha Îbrahîm Tatlises li şûna "min xem deryayeke gir e" gotiye "eyaxinde qûn dira". Ha we ji Jan Dost re gotiye Can Dost!

Şerê me berê bi kalaşnîkovan bû, niha bi kardaşnîkovan e.

Li welatê çek pêlîstokên zarokan be, kuştin lê kêm nabe.

Ji bo birînên we ji ber we fedî nekin, êşa xwe ji bîr nekin!

Kurdistanî ew kes e ku tu pê re rûdinî, tu nizanî ka ji kîjan beşê Kurdistanê ye.

Kesên zêde ji şexsê xwe hez dikin, nikarin ji we hez bikin. Hezkirina wan têrî we nake, çi heyî ji xwe re dihêlin.

Qasî peyva biratîyê li ber çavan reş bûye, êdî birayê bira jî ji bira re nabêje bira!

Niviştkar û nivîskar heman karî dikin. Niviştkar li paş perdeyan li ser quz dinivîsînin, nivîskar li ber ronîyê li ser kaxiz dinivîsînin.

Bizin nanê şivan, şivan jî nanê gavan dixwe. Lê qûna gavan naxwire, lewre gavan her dem birçî ye.

Dema zimanzan li hev rûniştin, şivanekî, çerçîyekî, koçerekî, pîreke teşîrês û jineke ber tenûrê bikin nav xwe, meseleya ziman safî dibe.

Nivîsên hin kesan wek prospektûsên dermanan in. Ji bo tu fêm bikî, divê ji sê peyvan peyvekê ji xudanê peyvê bipirsî.

Min digot qey dê mêr bi Îpekê, jin jî dê bi Hecî Şakir serê xwe bişûn.

Mele Hecî Şakir

Heke hûn li ber xêra min dikevin, bi sabûna min masturbasyonê nekin!

Mele Hecî Şakir

Sabûna serê xwe ji min, ya nav şeqên xwe jî ji dikana cîranê min bikirin!

Mele Hecî Şakir

Bi bedlê hûn hatibûn daweta min, neyên tazîya bavê min!

Ji bo qûna elimîye kursî, şer ji bo kursî şeref e!

Eşqa bilbil welat bûya, di qefesê de nedixwend.

Heger hûn naxwazin li çolê bêhna gûyê we were we, berî hûn herin çolê ders ji pisîkekî bigirin.

Bila ji xeynî me tu milet nebêjin meleyên me li ser rêya heq in. Yê niha sineta pêxember bi temamî tîne cih tenê Mele Elî Kelek e.

Ha edaleta Xwedê, ha keça cîranê me Edalet. Her du jî li rûyê min nanêrin.

Xwedê got; dema hûn tên nimêjê sicadeyekê an jî kartonekê bi xwe re bînin mizgeftê. Piştî hûn çûn, kesê min tune ye şûna we paqij bike.

Diviyabû sîyasîyên me tunebûna. Tenê hêza me ya eskerî hebûya. Dema dewlet ava dibû, leşkerê herî pêş ê eniya şer bibûya serokdewlet.

SELAMÛALÊKUM PÊVEZENG ABÊ!

Roja min ev blog ava kir, min got ez ê di blogê de serpêhatiyên xwe binivîsînim. Ji xwe nivîsên ku min heta niha di blogê de nivîsîne ji sedî nod ji serpêhatiyên min in. Nabe ez hinekan binivîsînim û hinekan jî ji we veşêrim. Madem hûn şopînerên min in, divê tiştekê ji we veneşêrim. Êz ê îşev ji we re çûna xwe ya kerxanê binivîsînim.

Sal 2005 bû, ez hîn hevde salî bûm. Min ji ber kar û barên zehmet yên gund baz dabû ez hatibûm Stenbolê li nav malxalên xwe. Xwedê emrê wan dirêj bike, çar xalên min hene. Du xalên min sê çar salan ji min biçûktir in û du ji wan jî çend salan ji min mezintir in. Em di temenê hev de tên hesêb. Ez û xalên xwe em bi hev re diman.

Ji ber ez û xalê xwe yê mezin em li cem hev dişixulîn, ez û xalê xwe yê mezin tim bi hev re bûn. Xalê min soz dabû min, ew ê rojekê min bibira kerxanê û xelata xwarziyê xwe bidayê.

Bila kes nebêje Arifo ma ne şerm e, tu bûyî xudan zar û zêç tu rabûyî behsa çûna xwe ya kerxanê dikî. Ez xort bûm kîrê min rabibû û ez çûm. Ma ne bi pereyê xwe ye! Ma ez ê di Silêman Demirel nim!

Li Qerekoya Stenbolê cotek kerxane hene. Nizanim ka niha rewşa wan çawa ye, lê berê wek roja mehşerê bû. Ji bazara qereçîyan ya malê diziyê jî qelebalixtir bû. Çi zewicî, çi nezewicî, ji kalên heftê salî bigre heta xortên simbêlên wan nû derketî, di derîyê kerxaneyê re diketin û derdiketin.

Yên serî li wan kerxaneyan didan jî piranîya wan Kurd bûn. Yanî birazîyek dikaribû ji tirsa ew ê apê xwe li wir bibîne serê xwe li ber xwe binixumîne. Wê demê min digot ji bo kurd nenin wan, dewletê kerxane tenê ji bo kêfa kîrê Kurdan ava kirine.

Rojeke yekşemê ye, ez û xalê xwe ketine milên hev, ji kolana Îstîklalê ber bi Gundê Reş ve dimeşin. Piştî me bi meşê kolana Îstîklalê li dû xwe hêşt, em di ber Birca Galatayê re berjêr bûn.

Xalê min bi qasî bîst metre ji Birca Galatayê wêdetir berê xwe da min, bi destê xwe kuçeyeke teng nîşanî min da got: "Xwarzî ka binêre, kuçeya leblebiyan ev der e ha. Ku tu bixwazî serîyekî lê bidî û wan deran bi xirkê xwe pîroz bikî, em dikarin lê binêrin."

Ji gund hatibûm. Xortên xelkê li bajêr li ber singê qîzan bi portreqalan dilîstin, min li gund li nav kerîya pez bişkul dihejmartin. Ma ev heqiya Xwedê bû?

Ez û xalê xwe em hatin ber deriyê kerxanê. Ji ber di nasnameyê de ji hejde salan biçûktir bûm, xalê min nasnameya xwe da min, telefon û cizdanê min li cem xwe hêşt. Heqê ganekê kir berîka min, ew li derve ma û ez şandim hundir.

Cara ewil bû ez ketibûm cihekî wisa. Jinên bê derpê şeqên xwe vekirine, bang li zilaman dikin dibêjin quzê min zebeş e were. Gilêza devê min ji dîtina dîmenên çîp û memikên tazî diherikî.

Li gund, min li nav şikeftekê kîrê xwe dikir fereke gore û ez pê re dilîstim. Lê niha ez li kerxaneyekê me. Bi îzna Xwedê û qasidê wî Pêxember, ê yek ji wan jinan bi pereyên min zikata xwe bide feqîrokê min.

Yên li pêşiya deriyê mala Monîkayê, hinekî qert bûn. Ne bi bîst û du lîreyan bûya, quzê pîran jî dihat xwarin lê çavên min li yên ciwan bûn. Piştî min korîdor qedand, li hêla rastê çavên min bi yeka ciwan ketin, keçikê hema bi çavên xwe dina îmana mejiyê min. Lingên min ez ber bi çavên wê ve kişandim. Ez heta ber hêlma canikê çûm, lê mû zimanê min nedibirî. Devê min ji hev venedibû.

Keçikê go: "Were delalê min, were ez te di nav quzê xwe de veşêrim pitikê min." Keçikê bi destê xwe zilamê li ber masê nîşanî min da, got: "Here fîşa quzê min bibire û were kêfê li ser bike delalê min!"

Min bi gavên giran û lerzok xwe nêzikî ber maseya mêrik kir, devê min bi zora çeneya min ji hev vebûn, min ji mêrik re got:

-Selamûalêkum pêvezeng abê!

Bi silava min re pixtînî bi pêvezeng abê û jinên wê derê û temaşevanên derdorê ket û bû kenê wan ê qûnde li ser min. Keçika ku ez şandibûm cem pêvezeng abê got: "Here, ez êdî te naxwazim. Here pêşî hinekê li fîlmên Yeşîlçamê temaşe bike, xwe fêrî medenîyetê bike pişt re were!"

Devê min ê ji xwe carekê bi zorê ji hev vebibû, êdî ji hev venebû. Lingên min hewil dan min şûn ve bikşînin û min ji wê derê derînin. Berî ez ji wir herim jineke din li pey min bang kir got: "Tu guh nede wan qeşengê min, were ez ê di te nim."

Ez careke din çûm cem pêvezeng abê, bê ku tiştekê bibêjim min destê xwe avêt bêrîka xwe, bîst lîre jê derxist û danî ser masê.

Heqê ganekê bîst û du lîre bûn. Min bîst lîreyên kaxiz danîbûn ser masê, lê her du lîreyên hesinî ji berîka min a qul ketibûn. Piştî min hinekî din berîka xwe tev da, min dîsa destê xwe avêt bîst lîreyên xwe û bir ber berîka xwe.

Jinik û xalê pêvezeng ji meseleyê fêm kiribûn. Jinikê bi çavên xwe îşaret da pêvezeng, pêvezeng destê xwe avêt bîst lîreyên min û fîşa di destê xwe de kir nav lepê min, got bibe bide wê xanima ew ê di te ne.

Min fîş da destê qehbika xwe û çûm li odeya nimreya duyem, min derî bi ser xwe de girt û li benda qehbikê mam. Ev cara ewil bû tişteke weha dihat serê min. Li benda qehbikê me, lê hêj çend sanîyene ez bêhnteng bûme. Ne ji bîst lîreyan bûya, min ê bi xebera lingên xwe bikira, ez ê ji wir derketima. Lê nalet li bîst lîreyan were, ez li wir qifil kirim.

Du deqîqe ne, qehbika me hêj jî nehatiye. Ez êdî bê sebir bûm. Min xwest ez derkevim û herim. Nalet li bîst lîreyan were, heqdestê min ê rojekê bû, çû ji kîsê min.

Min lingê xwe ber bi derî ve avêt, berî ez derkevim jinik şilfî tazî li ber çavên min peyda bû. Got: "Tu bi ku de diçî beranê min! Me hîn av ji bîrê nekişandiye! De zû bike, piştî te ez ê di du xortên wek te yên şermok nim."

Eceleya canikê hebû lê qet nîyeta min a xwe tazî bikim tune bû. Jinikê dît weha nabe, li ber min çong danî û dest avêt doxîna min û qayîşa min ji hev vekir û bi zimanê tirkî stranekê ji mirîyê nav şeqê min re xwend. Kîrê min ê li gund di şikeftan de li fera gore dibû wek çovê Hezretî Mûsa, ji tirs û heyecanê wek serê kûsîyekê xwe kişandibû nav qalikê xwe.

Wek mirov serê jûjiyê bi şûjinê ji nav kelemên wê derxe, jinikê bi tilîyên xwe serê kîrê min girt û serê zimanê xwe gihandê û dest bi alastinê kir. Kîrê ku ji zû de ye tije bûye lê ji ber heyecanê ranabe, bê ku xwe ji cihê xwe bilivîne fîzikî nav dev û lêvên jinikê û maskeyeke sipî li ser rûyê wê çêkir.

Jinikê ev hêvî ji vî kîrî nedikir. Serî rakir û bi bayê bezê berê xwe da destşoyê û di ber xwe de got: "Xwedê belayê xwe bide te, dewarê deştê! Nalet li te û li bîst lîre pereyên te!..."